Êpul gơ̆ng bruă ƀuôn sang čar Daklakbi lah leh 11 hdră mtrŭn kơ bruă hlue ngă hdră bhiăn; 19 hdră mtrŭn kơ lu bruă yuôm bhăn mkăn. Anei jing knơ̆ng pŏk êlan  kơ bruă tă hdră, mkŏ mjing klei bhiăn, ruh mgaih klei dleh dlan hlăm klei duh mkra.

Thŭn   2025, Daklak čoh čuăn mđĭ bruă duh mkra truh 7%, mâo ba wĭt kơ grăp čô mnuih truh 81 êklăk prăk, ba jao ngăn prăk kơ knŭk kna truh 9.000 êklai prăk, hnơ̆ng ênoh gŏ êsei ƀun hrŏ mơ̆ng 3% kơ dlông. Blŭ bi ruĕ anôk bi kƀĭn aduôn Huỳnh Thị Chiến Hoà, Khua êpul gơ̆ng bruă ƀuôn sang čar Daklak, mtă leh kơ dŭm knơ̆ng dhar bruă hlăm čar mđing mlih mrâo, dăp wĭt êpul ngă bruă kđi čar, mâo klei đĭ kyar prŏng bi leh bruă kčah jao./.