Ti Anôk bi kƀĭn êpul khua kiă kriê bruă Đảng čar Daklak tal 29, Êpul khua kiă kriê bruă Đảng čar mtă leh kơ dŭm gưl bruă Đảng, êpul bruă Đảng, dŭm anôk bruă, êpul êya ngă bi jăk bruă knuă druh dăp wĭt mnuih mă bruă gưl anei rơ̆ng bi djŏ mnuih ruah mnuih mâo klei thâo sĭt, mâo k’hưm hur har, jih ai tiê hlăm bruă knuă, bi leh bruă dăp wĭt hŏng klei khuăt jih jang bruă kđi čar êlâo kơ hrue 20/2/2025.

Hŏng dŭm anôk bruă êpul êya, alŭ wăl dăp wĭt tal anei, srăng ksiêm bi nik ngă bi khuăt truh 15% djŏ tui si klei gưl dlông kiă kriê.  Tĭng hlăm hrue kăm tinăp, Daklak srăng bi êdah yơh dŭm bruă bi mklă kơ klei dăp mnuih, pral dưi ngă bruă anei hŏng klei jăk. Nguyễn Đình Trung, Khua bruă Đảng čar Daklak brei thâo, bruă Đảng čar, Êpul gơ̆ng bruă ƀuôn sang, knơ̆ng bruă sang čư̆ êa srăng bi êdah jih jang klei bi mklă leh klei bi kƀĭn Êpul gơ̆ng bruă ƀuôn sang. Leh mơ̆ng anăn, pô djă akŏ dŭm anôk bruă êpul êya, lehanăn gưl k’iăng ngă mtam bruă dăp wĭt anôk mă bruă, klei kơ ngăn prăk, ngăn dŏ, dŭm klŏ kđăm lehanăn nao hlăm bruă knuă klă klơ̆ng mơ̆ng dŭm anôk bruă êpul êya mrâo mơ̆ng hrue 1/3/2025.