Bruă mkra êlan êdeh treng Lào Cai - Hà Nội - Hải Phòng kčưm tal êlâo mơ̆ng mơ̆ng êlan êdeh treng plah wah kdrŭn êdeh treng Lào Cai lehanăn kdrŭn Hà Khẩu Bắc (ala čar China), anôk truh knhal tuič jing ti kdrŭn Lạch Huyện, Hải Phòng. Hŏng boh taih jing 391 km lehanăn mâo 3 êlan kƀiêng hlăm brô 28km. Êlan êdh treng anei găn hlăm 9 boh čar, ƀuôn prŏng, mâo: Lào Cai, Yên Bái, Phú Thọ, Vĩnh Phúc, Hà Nội, Bắc Ninh, Hưng Yên, Hải Dương lehanăn Hải Phòng. Ênoh duh bi liê jih jang hlăm brô 203.230 êklai prăk, hŏng bruă duh bi liê knŭk kna lehanăn êngao knŭk kna. Ktưn truh jih thŭn 2030 srăng bi leh bruă mkra êlan êdeh treng anei.

Ti anôk bi kƀĭn, Khua bruă kƀĭn ala Trần Thanh Mẫn tŭ ư hŏng hdră êlan mkra êlan êdeh treng anei. Khua bruă kƀĭn ala mtă, ngă bi klă mngač jih jang klei čuăl mkă, kơ hnơ̆ng prŏng, lehanăn hdră duh bi liê. Mtă mâo klei kiă kriê kjăp, hrŏng ruah hdră êlan jăk hĭn pioh mkra, rơ̆ng dưi mđrĭng hŏng êlan klei êdeh treng kluôm ala, êlan êdeh treng hlăm ƀuôn prŏng, mbĭt hŏng êlan klông mkăn, ñĕ jih hnơ̆ng djŏ tuôm hŏng alŭ wăl mnuih ƀuôn sang dôk./.