Leh hdră mkŏ dăp, bi mŭt anôk bruă ngă hră mơar knŭk kna, čar Dak Lak mrâo mâo 102 ƀuôn hgŭm bi knar hŏng 102 anôk bruă Đảng ƀuôn hgŭm. Ară anei dŭm alŭ wăl ti Dak Lak dôk mđing čih mkra hră mơar lehanăn mprăp mkŏ mjing klei bi kƀĭn bruă Đảng gưl ƀuôn hgŭm.

Phạm Tiến Hưng – Khua bruă Đảng ƀuôn hgŭm Hòa Phú brei thâo, hrămơar srăng ngă leh hlăm hruê kăm ti anăp, hŏng bruă phŭn jing mđĭ kyar bruă duh mkra – ala ƀuôn, mkŏ mkra Đảng, dhar kreh lehanăn rơ̆ng hdră lĭng kahan – răng mgang klei êđăp ênang. Năng mđing, klei bi kƀĭn tal anei amâo hluê ngă hdră ruah phung khua bruă Đảng gưl mrâo. Anôk kriê dlăng bruă Đảng srăng ruah phung khua knơ̆ng msĕ si Khua bruă Đảng, Kơiăng khua bruă Đảng lehanăn phung bi ala nao ti klei ƀi kƀĭn gưl čar. Hdră anei kñăm rơ̆ng klei sa ai, hơĭt kjăp hlăm bruă mkŏ mjing anôk bruă êjai dôk hlăm wưng bi mlih leh hdră mkŏ dăp./.