Klei kƀĭn đru bi kluôm hŏng klei ngă bruă čiăng kơ klei bi hmô bruă sang čư̆ êa dua gưl ngă bruă tŭ dưn. Bruă sang čư̆ êa čar Gia Lai dôk mtrŭt bi prak dŭm hdră bruă mkŏ mkra kñăm msĕ si: êlan phiơr mrô 2 ti tač êdeh phiơr Phù Cát, êlan dơ̆ng pral Quy Nhơn – Pleiku; wăl anôk bruă tuh tia leh anăn kdrŭn ksĭ Phù Mỹ, anôk bruă CK54 leh anăn wăl anôk bruă tuh tia nah Dhŭng ƀuôn prŏng Pleiku.

Khua bruă Đảng čar Gia Lai Hồ Quốc Dũng mñă brei ksiêm dlăng jih jang hnơ̆ng čuăn, bruă klam, jao kơ klă pô, klă bruă, klă bruă klam, mbĭt anăn bi mguôp ksiêm dlăng dŭm hdră mtrŭn, hdră êlan leh ba mdah mơ̆ng čar Gia Lai leh anăn Bình Định čiăng bi klă klei dưi ngă hlăm wưng mkŏ mjing bruă knŭk kna mrâo leh bi mŭt mbĭt.