Klei tla hnô, ruh mgaih anôk ala lŏ dơ̆ng jing klei dleh dlan prŏng tơdah bruă bi mklă ênoh lăn sui, hră mơar dleh dlan ngă kơ lu hdră bruă êmưt hnơ̆ng. Čar tlă anăp hŏng klei kƀah mơ̆ng prăk yua lăn ti krĭng nah Yŭ, hmăi kơ klei dưi bi liê prăk thŭn 2025.

Mbĭt anăn, ti lu să, ƀuôn hgŭm mrâo leh dăp anôk bruă knŭk kna ka bi leh mnuih mă bruă, ka djăp klei găl hdră bhiăn čiăng tŭ mă amâodah gĭt gai hdră bruă. Thŭn 2026, čar Gia Lai kčah hdră kñăm bi liê 100% hdră kčah. Thái Đại Ngọc - Khua dlăng bruă Đảng čar, Khua Êpul gơ̆ng bruă ƀuôn sang čar Gia Lai, mtă kơ dŭm dhar bruă, dŭm gưl mâo hdră msir čiăng ruh mgaih anôk kpăk đuôm leh anăn iêô mkrum djăp klei găl bi liê duh kơ bruă mđĭ kyar bruă duh mkra ala ƀuôn.