Êlan êran pral Quy Nhơn – Pleiku, mâo knŭk kna hưn mdah hŏng Bruă Kƀĭn Ala bi klă hdră êlan duh bi liê, ƀuăn srăng pŏk klei găl mđĭ kyar bruă duh mkra ala ƀuôn kơ dŭm alŭ wăl Lăn Dap Kngư leh anăn krĭng dap kwar krah. Êlan dơ̆ng pral anei mâo boh taih 125km, kčưm mơ̆ng êlan dơ̆ng mrô 19B, anôk kčưm jing wăl krah An Nhơn leh anăn tuč ti êlan Hồ Chí Minh ti ƀuôn prŏng Pleiku, čar Gia Lai. Ênoh duh bi liê kơ hdră êbeh 43.500 êklai prăk, mĭn tĭng mpŭn rŭ mdơ̆ng hlăm thŭn anei, bi leh ti thŭn 2029.

Êlan dơ̆ng pral Quy Nhơn – Pleiku dưi hmăng hmưi srăng ba lu klei mlih jăk leh anăn mđĭ klei mkŏ krĭng. Mnuih ƀuôn sang Gia Lai, dŭm knơ̆ng bruă dŭ mdiăng leh anăn bruă sang čư̆ êa alŭ wăl bi êdah klei hmăng hmưi Bruă Kƀĭn Ala hnưm bi klă hdră êlan duh bi liê čiăng dưi ngă djŏ hdră kčah, bi mâo djăp klei čiăng mđĭ kyar bruă duh mkra ala ƀuôn Lăn Dap Kngư leh anăn krĭng dap kwar krah.