Čar Gia Lai hlăm mđĭ hĭn bruă dăp êpul bruă sang čư̆ êa să hlue hŏng klei khuăt, bi hrŏ mơ̆ng 218 trŭn adôk 77 êpul êya bruă mjing atur kơ bruă sang čư̆ êa dua gưl mâo klei tŭ dưn. Tui si bruă leh bi mklă, klei bi hmô mkŏ mjing bruă sang čư̆ êa gưl sa mrâo ti Gia Lai čoh cuăn 32 čô mnuih mă bruă hlăm sa boh să, mâo wăt êpul bruă Đảng, lehanăn jih jang êpul êya.

Êpul khua kiă kriê să mrâo ba yua hlue ênoh čuăn knar hŏng ti gưl kdriêk ară anei. Jih jang klei hrŏng ruah mnuih mă bruă ară anei srăng ba jao kơ sa mrâo, mjing knơ̆ng kơ êpul mă bruă mrâo. Mbĭt hŏng klei bi khuăt ênoh mnuih mă bruă, čar ăt ksiêm dlăng bi pral jih jang bruă mghaih msir kơ ngăn dŏ knŭk kna leh klei bi mŭt. Đỗ Việt Hưng – Khua knơ̆ng bruă ngăn prăk Gia Lai brei thâo, Knơ̆ng bruă bi hgŭm leh hŏng djăp alŭ wăl ksiêm bi ênŭm ngăn dŏ knŭk kna, lehanăn mka tĭng kơ ênoh, mkŏ mjing hdră êlan mghaih msir bi djŏ guôp./.