Nao hlăm knăm bi hdơr mâo Nguyễn Trọng Nghĩa, Khua Anôk bruă hâo hưn mtô mblang leh anăn čung ba mnuih ƀuôn sang gưl dlông; Võ Thị Ánh Xuân,  K’iăng Khua lăn čar hŏng  phung khua gĭt gai dŭm phŭn, dhar bruă, êpul gưl dlông. Blŭ hrăm hlăm anôk bi kƀĭn, Nguyễn Trọng Nghĩa mtă čar Bình Định leh anăn dŭm čar hlăm Êpul hgŭm V lŏ dơ̆ng mđĭ klei bi hgŭm, bi mguôp tŭ dưn hĭn; ngă jăk bruă “Hdơr knga tla ai”, “Mnăm êa hdơr kơ hnoh”, mkŏ mjing klei êmuh hrăm, hdơr knga, mpŭ kơ dŭm gŏ sang knŭk kna đru ba, găp djuê phung knuă druh, lĭng kahan, mnuih ƀuôn sang leh anăn hđeh sang hră nao hriăm mjuăt ti kwar Dưr.

Mbĭt anăn mtă brei mđĭ klei hâo hưn êlam kơ klei yuôm bhăn hƀuê ênuk anei hlăm kluôm Đảng, kluôm lĭng kahan, jih jang mnuih ƀuôn sang, boh nik phung mda asei, bi mklă phung khua gĭt gai djŏ klă mơ̆ng Đảng, Khua gĭt gai Hồ Chí Minh leh anăn klei săn asei, duh myơr prŏng prĭn mơ̆ng phung nao êlâo. Bruă mđĭ lar dŭm klei hriăm mơ̆ng klei bi nao ti kwar Dưr mguôp hŏng bruă mkŏ mjing, hriăm mjuăt ênuk krŭ kdơ̆ng lŏ čuê, ngă djŏ klei čiăng ƀrư̆ lu  hlăm ênuk mlih mrâo leh anăn đĭ kyar.