Kon Tum čang ênuh, ba dơr 26 klang lĭng kahan djiê êngiă ti Lào leh anăn Campuchia
Thứ bảy, 07:52, 17/05/2025
Pô mblang: Y Ƀel Êban
Pô mblang: Y Ƀel Êban
VOV4.Êđê - Aguah mbruê 16/5, ti msat lĭng kahan djiê êngiê kriêk Ngọc Hồi, bruă Đảng čar, Êpul gơ̆ng bruă ƀuôn sang, bruă sang čư̆ êa, dhar bruă mặt trận čar Kon Kom mkŏ mjing knăm čang ênuh leh anăn dơr 26 ktang lĭng kahan, phung thơ̆ng kơ bruă Việt Nam djiê êngiă ti Lào leh anăn Campuchia hlăm dŭm ênuk bi blah mâo êpul K53 bi kƀĭn hlăm yan bhang 2024 – 2025.
Hlăm hră čang ênuh leh anăn dơr ktang phung djiê êngiă, Y Ngọc, k’iăng khua bruă sang čư̆ êa čar Kon Tum, khua êpul gĭt gai mrô 515 čar mnă klă: klei săn asei mơ̆ng diñu đru mtlaih êngiê mnuih ƀuôn sang dŭm djuê ana ti Lào ti anăp phung roh leh anăn krŭ wĭt lăn čar Campuchia ti gŭ klei mdjiê tuč djuê ana, jing klei bi hmô kơ klei hdĭp lă lar hlăm ai tiê mơ̆ng grăp čô Việt Nam ăt msĕ mơh mnuih ƀuôn sang dua lăn čar Lào leh anăn Campuchia.
Ngă bruă klam tui duah, bi kƀĭn leh anăn ba wĭt klang phung djiê êngiă, 6 mlan yan bhang thŭn 2024 – 2025, Êpul K53 dưi ƀuh 26 klang lĭng kahan djiê êngiă, hlăm anăn ti Lào ƀuh 16 čô ( čar Attapư 12 čô, čar Chămpasăc 4 čô leh anăn ti čar Ratanakiri, Campuchia 10 ƀuh 10 čô.
Viết bình luận