Hruê mbruê 16/5, ti sang bruă Khua lăn čar, Khua knŭk kna Phạm Minh Chính gĭt klei leh knăm tŭ drông Khua knŭk kna Thailand Paetongtarn Shinawatra. Leh knăm tŭ drông, 2 čô Khua knŭk kna gĭt gai klei kƀĭn tal 4, mlir knŭk kna Việt Nam – Thailand.

Lŏ ksiêm wĭt klei mjĕ giăm dua ala čar leh 10 thŭn mkŏ mjing klei mjĕ giăm ƀĭng hgŭm hdră êlan, Khua knŭk kna brei thâo dua lăn čar mâo dŭm gru mngač êdah êdi: Anăn jing klei đăo knang bruă kđi čar amâo mâo mdei dưi mđĭ hĭn, klei bi trông êpul dưi mtrŭt mđĭ ktang hlăm djăp mta bruă, gưl bruă. Klei bi mguôp bruă lĭng kahan dưi nao êlam hĭn jing kmeh gơ̆ng yuôm bhăn mơ̆ng dua lăn čar. Klei bi mguôp bruă duh mkra, mnia mblei, duh bi liê đĭ kyar jăk wăt hnơ̆ng tŭ jăk. Mơ̆ng thŭn 2016 truh kơ ară anei Thailand jing ƀĭng hgŭm mnia mblei prŏng mrô 1 mơ̆ng Thailand leh anăn Việt Nam jing ƀĭng hgŭm prŏng tal 2 mơ̆ng Thailand hlăm ASEAN, hŏng hnơ̆ng mnia mblei 2 tĭng thŭn 2024 mâo êbeh 20 êklai dolar Mi leh anăn mđing truh 25 êklai dolar Mi hlăm thŭn kơ anăp. Leh klei kƀĭn tal 4 mlih knŭk kna Việt Nam – Thailand, Khua knŭk kna Phạm Minh Chính leh anăn Khua knŭk kna Paetongtarn Shinawatra ktuê dlăng knăm bi jao hră mơar bi mguôp plah wah dŭm phŭn, dhar bruă dua ala car.