Gia Lai ksiêm dlăng mtrŭt bi pral dŭm hdră duh bi liê bruă knŭk kna
Thứ bảy, 09:06, 10/05/2025
Pô mblang: Y -Ƀel Êban

VOV4.Êđê – Bruă sang čư̆ êa čar Gia Lai dôk mjêč ngă dŭm hdră êlan čiăng rơ̆ng kơ klei kriê dlăng tŭ dưn dŭm hdră êlan, hdră bruă duh bi liê bruă knŭk kna hlăm wưng mkŏ dăp, bi kluôm bruă sang čư̆ êa alŭ wăl.
Čar mñă brei ksiêm dlăng jing dŭm hdră duh bi liê bruă knŭk kna hlăm hdră êlan wưng kčan man dưn 2021 – 2025, hdră kčah thŭn 2025 ăt msĕ mơh dŭm hdră lŏ čuê.

Kñăm mtrŭt bi pral leh anăn rơ̆ng kơ klei jăk hlăm bruă kriê dlăng, bruă sang čư̆ êa čar Gia Lai gĭt gai leh dŭm knơ̆ng bruă, dhar bruă, alŭ wăl srăng mbha bruă klam, mgaih msir dŭm klei dleh kpăk bluh mâo. Hŏng dŭm bruă mkŏ mkra leh anăn anôk bruă hmăi mơ̆ng klei mkŏ dăp anôk bruă knŭk kna čiăng ksiêm dlăng, mkra mlih bi găl guôp čiăng rơ̆ng kơ klei tŭ dưn, mkiêt mkriêm ngăn prăk, amâo mâo brei luč liê mang.
Viết bình luận