Blŭ hrăm hlăm knăm mphŭn rŭ mdơ̆ng, Khua knŭk kna Phạm Minh Chính hưn mdah klei mơak tơdah nao hlăm knăm rŭ mdơ̆ng sa hdră bruă phŭn, jing bruă yuôm bhăn hŏng klei mđĭ kyar bruă duh mkra - ala ƀuôn čar Hưng Yên leh anăn kluôm ala. .

Khua knŭk kna čang hmăng Hdră bruă srăng jing sa klei bi knăl, kruăk klei bi hgŭm kluôm, êlam, kjăp plah wah dua ala čar Việt Nam- Mi. Khua knŭk kna jao kơ čar Hưng yên hrăm mbĭt hŏng phung duh bi liê hlăm bruă ruh mgaih anôk ala. Kriê dlăng klei hdĭp mda kơ dŭm gŏ sang, phung myơr leh lăn pla mjing kơ hdră bruă, rơ̆ng hơĭt klei hdĭp mda, ai tiê kơ mnuih ƀuôn sang jăk hĭn anôk hđăp. Mbĭt anăn dŭm knơ̆ng, dhar bruă lŏ dơ̆ng đru jih hnơ̆ng kơ hră mơar hlăm klei pŏk ngă hdră bruă, msir mgaih jih lei gun kpăk mâo hlăm klei hlue ngă hdră bruă.