Hlăm wưng êgao, dhar bruă sang hră mơar čar Dak Lak hur har ngă hdră mtô kơ alŭ wăl hŏng mnơ̆ng kriê pioh, nao mbĭt hŏng bruă mkŏ mjing dhar kreh sang hră. Lu sang hră pluă mbĭt mta phŭn kơ hƀuê ênuk, kdrăp čŭt hơô, sang dôk đưm, ênhiang mmuñ, klei khan hlăm klei mtô êngao mmông hriăm leh anăn mmông bi hriăm mbĭt.

Hlăm klei kƀĭn trông, phung bi ala kah mbha klei hriăm leh anăn hdră êlan klă klơ̆ng kñăm mtô mjuăt mnơ̆ng kriê pioh kơ hđeh sang hră gưl 1 truh gưl 3. Phung bi ala tŭ dưn, bruă mtô mjuăt mnơ̆ng kriê pioh mơ̆ng hnưm srăng đru kơ ênuk mda asei thâo klă phŭn agha dhar kreh, đru mđĭ klei thâo săng yang ƀuôn leh anăn mđĭ hĭn klei bi mguôp, boh nik ti alŭ wăl lu djuê ana msĕ si Lăn Dap Kngư.