Gia Lai dôk mŭt hlăm yan không, klei huĭ pui ƀơ̆ng dliê ti hnơ̆ng năng hưn brei răng gưl V- gưl huĭ hyưt hĭn. Ară anei, dŭm êtuh êbâo ha dliê ti dŭm kdriêk čar Gia Lai dôk huĭ kơ klei pui ƀơ̆ng dliê hlăm yan không. Hlăm anăn, kdriêk Čư̆ Pah mâo êbeh 7.169 ha, ti dŭm să Hòa Phú, Nghĩa Hưng, Čư̆ Đăng Ya, Đăk Tơ Ver, Ia Khươl leh anăn wăl krah Phú Hòa jing huĭ hyưt hĭn. Boh nik, dliê hngô tlâo pŏk hla hŏng tal rơ̆k rung, hla krô kpal ênưih pui ƀơ̆ng hĭn.

Kñăm gang mkhư̆ klei pui ƀơ̆ng dliê, mơ̆ng akŏ yan không, dŭm alŭ wăl ti Gia Lai bi leh Anôk bruă gĭt gai gang mkhư̆ klei pui ƀơ̆ng dliê, mkŏ mjing hdră kčah mdrơ̆ng. Êpul bruă djŏ tuôm mđĭ hâo hưn, mtô kơ mnuih ƀuôn sang yua pui êđăp ênang, kriê dlăng kjăp hlăm dŭm mlan huĭ hĭn. Dŭm anôk bruă kriê dlăng dliê bi hgŭm hŏng dŭm alŭ wăl leh anăn êpul ksiêm dlăng dliê mkŏ mjing hâo hưn ti dŭm alŭ, ƀuôn, mtă kơ mnuih ƀuôn sang mâo pưk hma bi knông hŏng dliê amâo yua ôh pui plă plia, brei pơ̆ng pŏk mdhă hưn brei răng ti dŭm anôk huĭ hyưt hĭn.