Lu klei dleh dlan, gun kpăk brei pral dưi mđing msir mghaih lehanăn ruh mtlaih. Hdră êlan êran pral Bảo Lộc – Liên Khương jing ktuê êlan knhal tuič mơ̆ng ktuê êlan êran pral Dầu Giây – Liên Khương mâo boh taih dlông giăm 74 km. Dưi mkra mâo 4 grông êlan êdeh êran, hlăm wưng tal 1 prŏng 17 m (4 grông êlan, hŏng hnơ̆ng 80km/h), duh bi liê hluê hdră knŭk kna – êngao knŭk kna, kuôl kă hluê hdră rŭ mdơ̆ng – mnia mblei – ba jao (BOT), hŏng ênoh duh wưng tal 1 êbeh 17.700 êklai prăk. Wưng ngă hlăm 30 mlan.

Blŭ ti knăm anei, Nguyễn Hồng Hải, kơiăng khua anôk bruă sang čư̆ êa čar Lâm Đồng mtă kơ dŭm knơ̆ng, dhar bruă djŏ tuôm brei mjêč ngă hră mơar djŏ mta mtrŭn. Boh nik hdră msir mghaih anôk ala, čiu hnô lăn brei hluê ngă kjăp. Knơ̆ng bruă lŏ hma – wăl hdĭp mda mđing đru brei, ruh mtlaih klei dleh dlan djŏ tuôm kơ hdră msir mghaih anôk ala mơ̆ng dŭm krĭng anôk dôk mrâo./.