Hŏng hdră “Giăm mnuih ƀuôn sang, sĭt suôr hŏng mnuih ƀuôn sang lehanăn djă kngan ktrâo bruă”, čar Lâm Đồng mkŏ mjing leh 2.765 Êpul kdrăp mrô ti dŭm alŭ, ƀuôn hŏng giăm 16.800 čô nao đru kơ mnuih ƀuôn sang yua kdrăp mrô. Hdră hưn mthâo, mtô mblang kơ kdrăp mrô dưi pŏk ngă mđrap mbĭt, 100% knuă druh, mnuih mă bruă mâo mjuăt bi hriăm.

Mbĭt hŏng dŭm adŭ mâo mjuăt bi hriăm klă anăp, lu hdră ktrâo lač ti kdrăp mrô ăt dưi mkŏ mjing, jak iêo lu mnuih nao hgŭm. Hluê si Knơ̆ng bruă kreh knhâo – kdrăp mrâo čar Lâm Đồng, dŭm alŭ wăl hlăm čar ăt čih mkra, pŏk ngă lu gru hmô tŭ dưn kơ hdră bi mlih mrô./.