Tlam hruê 11/6, bruă Đảng čar Khánh Hòa mkŏ mjing Klei kƀĭn hưn mthâo dŭm klei bi mklă kơ hdră knuă druh. Hluê anăn, Tạ Hồng Quang, Khua bruă Đảng, Khua Êpul gơ̆ng bruă ƀuôn sang ƀuôn hgŭm Nha Trang dưi ruah păn ngă Khua anôk bruă ngă hră mơar bruă Đảng čar Khánh Hòa.

Blŭ ti knăm anei, Hồ Xuân Trường, Kơiăng khua bruă Đảng čar Khánh Hòa brei thâo, bruă bi mklă Khua anôk bruă ngă hră mơar bruă Đảng čar kñăm mkăp kơ klei čiăng gĭt gai, kiă kriê bruă ngă hră mơar anôk bruă, gang mkhư̆, bi kdơ̆ng hŏng klei ƀơ̆ng ngăn, klei bi liê ti mang lehanăn bruă mkra mlih hdră bhiăn hlăm wưng mrâo. Kơiăng khua bruă Đảng čar Khánh Hòa mtă kơ Tạ Hồng Quang pral mŭt ngă bruă, mđĭ lar klei thâo hlăm bruă kđi čar, mđĭ boh tŭ bi hgŭm mơ̆ng dŭm anôk bruă, êpul djŏ tuôm čiăng bi leh bruă klam mâo kčah jao./.