Klei bi kƀĭn prŏng êpul hgŭm bruă klei mrâo Sang mđung asăp blŭ Việt Nam tal 8, wưng păn bruă 2026 – 2031 mkŏ mjing leh aguah hrue 11/6 mâo ruah leh êpul khua kiă kriê mrâo Êpul hgŭm bruă klei mrâo sang mđung asăp blŭ Việt Nam wưng thŭn 2026-2031 mâo 21 čô. Khua hlăm knơ̆ng bruă Đảng gưl dlông, Êpul hgŭm bruă klei mrâo Việt Nam Phạm Mạnh Hùng lŏ djŏ ruah jing khua kiă kriê Êpul hgŭm bruă klei mrâo Sang mđung asăp blŭ Việt Nam wưng păn bruă 2026-2031. Klei bi kƀĭn prŏng anei mâo 185 čô bi ala kơ 760 čô ƀĭng hgŭm ti 20 êpul hgŭm hlăm Sang mđung asăp blŭ Việt Nam.

Tui si hdră kơ klei dăp mnuih hlăm Êpul khua kiă kriê Êpul hgŭm bruă klei mrâo mơ̆ng sang mđung asăp blŭ Việt Nam wưng thŭn 2026-2031 Mâo leh êpul kiă kriê dŭm êpul hgŭm mkŏ mjing, Êpul kiă kriê bruă Đảng mơ̆ng Sang mđung asăp blŭ Việt Nam bi mklă, klei bi kƀĭn prŏng mâo leh klei bi tŭ ư ruah Êpul khua kiă kriê mrâo Êpul hgŭm bruă klei mrâo Sang mđung asăp blŭ Việt Nam wưng thŭn 2026-2031 mâo 21 čô. Klei bi kƀĭn prŏng ăt mâo ruah leh êpul ksiêm dlăng jih jang êpul hgŭm bruă klei mrâo mơ̆ng Sang mđung asăp blŭ Việt Nam mâo 3 čô. Tui si Phạm Mạnh Hùng, kñăm mđĭ hĭn boh tŭ klei mă bruă hlăm wưng mrâo, Êpul khu akiă kriê mrâo srăng lŏ čuê dŭm klei tŭ dưn mơ̆ng gưl păn bruă êlâo, amâo mâo mdei lŏ mđĭ hĭn boh tŭ mơ̆ng bruă klei mrâo cách mạng Việt Nam, djŏ hŏng hdră êlan jao kơ Sang mđung asăp blŭ Việt Nam.