Hruê klei Duê Việt Nam ti Kon Tum hŏng klei čang hmăng Ala čar kpưn đĭ
Thứ năm, 10:45, 13/02/2025
Pô mblang H'Nêč Êñuôl / VOV Tây Nguyên
Pô mblang H'Nêč Êñuôl / VOV Tây Nguyên
VOV4.Êđê- Hŏng akŏ “Ala čar kpưn đĭ”, hruê Klei Duê Việt Nam mâo Êpul hgŭm bruă Văn học Nghệ thuật čar Kon Tum mkŏ mjing hruê 12/2, mâo lu hdră mjing wăl anôk bi tuôm, mjĕ mjuk plah wah phung čih klei duê lehanăn khăp kơ klei duê.
Hruê klei Duê Việt Nam tal 23 thŭn 2025 ti čar Kon Tum mphŭn hŏng hdră hưn mthâo klei duê kñăm bi mni kơ bruă čih klei duê. Mbĭt hŏng dŭm bruă phŭn dưi mkŏ mjing hlăm hruê, mâo: Mlam klei duê Nguyên tiêu; Hưn mthâo phung čih klei duê Kon Tum; Tui ksiêm kơ klei duê Kon Tum lehanăn bi trông kơ hdră čiăng ba klei duê truh giăm hĭn hŏng mnuih ƀuôn sang…
Êpul hgŭm bruă Văn học Nghệ thuật čar Kon Tum ăt mkŏ mjing lu hdră tŭ yuôm mkăn msĕ si: Mđup brei klei duê hluê hdră čih thư pháp, Mdah pŏk rup siam kơ Kon Tum… Hruê klei Duê Việt Nam mjing leh wăl anôk bi uôm, mjĕ mjuk mơ̆ng 147 čô hlăm Êpul Văn học Nghệ thuật čar Kon Tum lehanăn mnuih khăp kơ klei duê./.
Viết bình luận