Hlăm knăm bi hdơr, phung bi ala myơr mnga, čuh brui mgưi bi hdơr leh anăn anăn mâo mbĭt bi êdah ai tiê mpŭ, hdơr kơ 64 čô knuă druh, kahan êa Việt Nam jhŏng ktang kdơ̆ng mblah, săn asei hlăm bruă răng mgang klei dưi kiă kriê êa ksĭ, êpul nao čuh brui mgưi ti wăl anôk msat angĭn, nao čuă dlăng wăl anok rang mdah mnơ̆ng leh anăn sang rang mdah mnơ̆ng gŭ lăn ti wăl anôk bi hdơr, anôk djă pioh lu hră mơar, mnơ̆ng yua nao mbĭt hŏng klei hdĭp leh anăn klei săn asei mơ̆ng lĭng kahan hlăm klei bi blah răng mgang plao ksĭ Gạc Ma, plao ksĭ Trường Sa, čar Khánh Hoà thŭn 1988.

Wăl anôk bi hdơr lĭng kahan Gạc Ma jing anôk hrah mâo boh tŭ dưn yuôm bhăn hlăm mtô mjuăt knhuah gru, đru ksul mbŭ ai tiê khăp kơ lăn čar, mđĭ klei mĭn răng mgang klei dưi kiă kriê êa ksĭ, plao ksĭ kơ dŭm ênuk gưl.