Mmăt mbruê (12/03), ti Anôk bruă knŭk kna, mkŏ mjing Knăm hưn mdah hdră mtrŭn mơ̆ng Khua knŭk kna kơ bruă knuă druh. Mđup brei hră bi mklă leh anăn mnga, Khua knŭk kna Phạm Minh Chính hơêč hmưi kơ Trần Hồng Thái mâo Đảng, Knŭk kna đăo knang jao bruă klam jing khua gĭt gai Sang ksiêm hriăm kreh knhâo kdrăp mrâo Việt Nam - anôk bruă ksiêm hriăm klei kreh knhâo kdrăp mrâo lu mta bruă mrô sa, ngă bruă klam kmeh gơ̆ng hlăm bruă kreh knhâo ala čar. Khua knŭk kna bi mklă bruă Đảng, Knŭk kna jao bruă klam Khua Sang ksiêm hriăm kreh knhâo kdrăp mrâo Việt Nam bi êdah klei đăo knang leh anăn klei čang hmăng prŏng snăk mơ̆ng  Đảng, Knŭk kna hŏng Trần Hồng Thái ăt msĕ mơh klei đĭ kyar mơ̆ng Sang ksiêm hriăm kreh knhâo kdrăp mrâo Việt Nam hlăm ênuk mrâo.

Blŭ hrăm mă bruă klam, Trần Hồng Thái ƀuăn rơ̆ng srăng bi hgŭm, sa anăn, păn kjăp bruă klam Khua knŭk kna jao, grăp knhuang mđĭ bruă klam mơ̆ng Sang ksiêm hriăm kreh knhâo kdrăp mrâo Việt Nam; lŏ dơ̆ng hlue ngă Hdră mtrŭn mơ̆ng Phŭn bruă kđi čar, Hdră mtrŭn mơ̆ng Knŭk kna, mơ̆ng anăn đru mguôp jăk hlăm klei kñăm đĭ kyar 2 ênoh mrô mơ̆ng lăn čar hlăm wưng kơ anăp.