Gưl mplĕ hră ruah khua tal anei, čar Gia Lai mâo 28 čô mgơ̆ng asei bi ala Bruă Kbĭn ala čiăng ruah 16 čô bi ala klă klơ̆ng, mâo 138 čô mgơ̆ng asei ti 18 anôk bruă ruah khua čiăng ruah 85 čô bi ala Êpul gơ̆ng bruă ƀuôn sang gưl čar, mbĭt hŏng êbeh 5100 čô mgơ̆ng asei čiăng phung bi ala kơ mnuih ƀuôn sang ruah giăm 3000 čô bi ala Êpul gơ̆ng bruă ƀuôn sang gưl să.

Truh kơ wưng anei, dhar bruă ruah khua čar Gia Lai bi leh dŭm bruă mprăp, rơ̆ng kơ klei găl čiăng kơ hruê mplĕ hră djŏ hŏng klei čuăn. Hŏng klei mprăp jăk, hruê mplĕ hră ruah khua 15/3 hmăng hmưi jing hruê knăm klei êngiê, anôk grăp hră mplĕ mơĭt klei đăo knang ruah phung bi ala mâo klei thâo, mâo kơhưm, bi ala kơ klei mĭn, klei hmăng hmưi mơ̆ng mnuih ƀuôn sang alŭ wăl.