Bi klă hlăm klei kƀĭn, Khua gĭt gai Đảng Tô Lâm bi myuôm leh anăn sa ai hŏng  dŭm klei blŭ mguôp, djŏ hŏng boh sĭt mơ̆ng phung bi ala nao hgŭm leh anăn dŭm boh tŭ dưn dưi mâo hlăm wưng êgao, êdah êdi jing dưi bi leh lu bruă klam mâo leh, ba wĭt boh tŭ dưn klă klơ̆ng, hluê anăn đru mđĭ klei thâo mơ̆ng dŭm phŭn, dhar bruă, alŭ wăl mâo klei mlih klă sĭt, ƀrư̆ ƀrư̆ bi mguôp bruă dưn yua klei kreh knhâo mrâo mrang hlăm bruă hluê ngă bruă klam mơ̆ng grăp phŭn dhar bruă djŏ tuôm, mâo leh đa đa gru hmô bi mguôp plah wah knơ̆ng bruă hŏng dŭm anôk bruă sang hră mâo boh tŭ dưn klă klơ̆ng, boh nik klei năng čih yap jing hlăm wưng mâo klei nao hgŭm hur har mơ̆ng êpul êya knơ̆ng bruă leh anăn lu phung kreh knhâo hlăm leh anăn êngao lăn čar.

Lač klă 7 bruă klam mâo dŭm phŭn, dhar bruă, alŭ wăl leh anăn bruă kđi čar čiăng ngă hlăm wưng kơ anăop, Khua gĭt gai Đảng Tô Lâm mñă brei mjêč hluê ngă hrăm mbĭt dŭm hdră êlan ruh mgaih 7 klei kpăk hlăm klei hưn mdah, mbĭt anăn mtrŭt mđĭ bruă ba yua dŭm boh tŭ dưn klei kreh knhâo mrâo mrang mđing truh kơ bruă mđĭ hnơ̆ng klei mă bruă knuă, hnơ̆ng jăk mnuih mă bruă, đru kơ klei kiă kriê mơ̆ng dŭm knơ̆ng bruă.