Ti anôk bi kƀĭn anei, Dương Văn Trang – Khua bruă Đảng Kon Tum jao leh klei bi mklă mơ̆ng anôk bruă Đảng gưl dlông ruah mdưm Nguyễn Đức Tuy păn ngă k’iăng khua bruă Đảng čar Kon Tum wưng păn bruă 2020-2025.  Nguyễn Đức Tuy, kkiêng 5/6/1973, ƀuôn sang ti să Hoài Đức, kdriêk Hoài Nhơn, čar Bình Định; hriăm leh: Đại học Kinh tế; Hnơ̆ng hriăm: Tiến sỹ Kinh tế; Lý luận chính trị: hnơ̆ng prŏng.

Blŭ hrăm ti mmông đĭ păn bruă Nguyễn Đức Tuy, k’iăng khua bruă Đảng čar Kon Tum bi êdah klei lač jăk kơ êpul khua kiă kriê bruă Đảng gưl dlông, Bruă Đảng čar Kon Tum, lehanăn jih jang phung khua kiă kriê čar đăo knang lehanăn jao leh bruă yuôm bhăn. Anei jing klei myun, lehanăn lŏ jing klei lông dlăng, jing bruă klam ktrŏ, ƀiădah srăng gĭr jih ai tiê bi leh bruă kčah jao đru rŭ mdơ̆ng čar Kon Tum ƀrư̆ hrue đĭ kyar hĭn.