Anei jing klei bi kƀĭn tal êlâo mơ̆ng Anôk kriê dlăng bruă Đảng bruă kƀĭn ala lehanăn Anôk kriê dlăng bruă Đảng bruă knŭk kna. Khua bruă Đảng bruă kƀĭn ala, Khua Anôk bruă kƀĭn ala Trần Thanh Mẫn lehanăn Khua bruă Đảng anôk bruă Knŭk kna Phạm Minh Chính mñă klă, anei jing klei bi kƀĭn yuôm bhăn, kyua Anôk kriê dlăng bruă Đảng bruă kƀĭn ala lehanăn Anôk kriê dlăng bruă Đảng bruă knŭk kna srăng ksiêm dlăng jih bruă djŏ tuôm kơ hdră mprăp kơ Klei bi kƀĭn mjêč tal 9, Anôk bruă kƀĭn ala gưl 15, kñăm mprăp kơ dŭm mta phŭn klei bi kƀĭn rŏng hnơ̆ng tŭ jăk, boh tŭ dưn lehanăn mjing klei sa ai mŏng phung bi ala Anôk bruă kƀĭn ala kơ bruă bi mklă dŭm mta klei, hdră mŏng klei bi kƀĭn ăt msĕ mơh bruă bi mklă mnuih mă bruă.

Klei bi kƀĭn mjêč tal 9 tĭng srăng pŏk hlăm hruê 12/2 lehanăn mjưh ruê̆ hlăm hruê 18/2/2025. Dŭm mta phŭn hlăm klei bi kƀĭn mjêč tal 9, tĭng truh kơ ară anei, dua tĭng tŭ ư leh kơ dŭm bruă, mâo: Ksiêm dlăng, bi mklă 4 hdră bhiăn, 5 hdră mtrŭn mkăp kơ bruă čih mkra bi leh klei bhiăn, ba yua hlăm dŭm anôk bruă, êpul êya bruă kđi čar; ksiêm bi mklă 4 mta klei mkăn djŏ hŏng klei dưi, hlăm ânn mâo hdră knuă druh, mbĭt ânn brei mâo sa klei hưn mdah kơ Anôk bruă kƀĭn ala djŏ hŏng hdră kčah mtrŭn./.