Hdră bhiăn kčah mtrŭn Hră mơar djŏ hdră bhiăn ară anei mâo 173 mta, Klei čih mkra hdră bhiăn anei ba mdah kơ Anôk bruă kƀĭn ala tal anei knŏng dôk 72 mta, hrŏ 101 mta. Hluê hŏng klei mĭn čih mkra hdră bhiăn hluê hdră, bruă djŏ hŏng klei dưi mơ̆ng Anôk bruă kƀĭn ala snăn Anôk bruă kƀĭn ala srăng kčah mtrŭn, dŭm bruă djŏ hŏng klei dưi mơ̆ng Knŭk kna, Knŭk kna srăng bi mklă.

Khua Anôk bruă kƀĭn ala mñă klă, bruă mkra mlih Hdră bhiăn kčah mtrŭn Hră mơar djŏ hdră bhiăn jing mta phŭn kơ bruă čih mkra dŭm klei bhiăn mrâo ăt msĕ mơh mkra mlih, thiăm mbŏ dŭm hdră bhiăn rơ̆ng djŏ hŏng klei dưi. Khua Anôk bruă kƀĭn ala ba mdah 5 bruă phŭn hlăm hdră mkra mlih, hlăm anăn mđing kơ bruă klam mơ̆ng anôk bruă ba mdah, boh nik klei đua klam mơ̆ng phung Khua phŭn bruă, anôk bruă. Khua Anôk bruă kƀĭn ala Trần Thanh Mẫn lač, tơdah Hdră bhiăn dưi bi mklă ti anôk bi kƀĭn anei, srăng mjing klei găl kơ bruă čih mkra, bi leh Hdră bhiăn hlăm thŭn 2025 lehanăn mjing klei găl kơ wưng păn bruă Anôk bruă kƀĭn ala gưl 16, wưng thŭn 2026 – 2031.