Ti Anôk bi kƀĭn, phung bi ala hmư̆ leh klei blŭ bi trông djŏ tuôm kơ Klei bhiăn mă bruă mơ̆ng Anôk kriê dlăng bruă Đảng Anôk bruă kƀĭn ala, wưng thŭn 2020 – 2025, kah mbha bruă klam klă klơ̆ng hŏng phung khua hlăm Anôk bruă kriê dlăng; bruă mkŏ mjing dŭm anôk thơ̆ng kơ bruă đru kčĕ, đru bruă kơ bruă Đảng lehanăn bruă bi mklă Hdră mtrŭn Klei bi kƀĭn tal sa Anôk kriê dlăng bruă Đảng Anôk bruă kƀĭn ala. Blŭ hrăm mjưh ruê̆ Klei bi kƀĭn, Khua Anôk bruă kƀĭn ala Trần Thanh Mẫn mñă phung đảng viên brei ba akŏ, ngă êlâo, gĭr ngă hŏng jih ai tiê hŏng dŭm bruă ngă klă klơ̆ng mbĭt anăn lŏ dơ̆ng mtrŭt mđĭ hdră gang mkhư̆ klei ƀơ̆ng ngăn, klei ngă amâo djŏ, bi liê pliă plia, mđĭ boh tŭ hdră ksiêm dlăng hlăm Anôk bruă kƀĭn ala.
Mprăp jih klei găl mkăp kơ Klei bi kƀĭn Anôk bruă Đảng dŭm gưl hlăm bruă Đảng anôk bruă kƀĭn ala, čiăng mđing truh kơ Klei bi kƀĭn tal XIV mŏng Đảng. Kơ hdră hluê ngă bruă klam kđi čar, Khua Anôk bruă kƀĭn ala mtă mđing kiă kriê, gĭt gai hluê ngă tŭ dưn bruă čih mkra hdră bhiăn thŭn 2025 lehanăn klei gĭt gai mŏng Khua bruă Đảng Tô Lâm kơ bruă bi mlih mrâo hdră čih mkra hdră bhiăn, dlăng anei jing bruă klam yuôm bhăn hlăm bruă bi leh klei bhiăn thŭn 2025, mjing tur knơ̆ng kơ Anôk bruă kƀĭn ala gưl XVI, wưng thŭn 2026 – 2031./.
Viết bình luận