Hruê mbruê, 18/11, Khua Anôk bruă kƀĭn ala Trần Thanh Mẫn si`ê leh Hdră mtrŭn mrô 1297 mơ̆ng Dhar bruă gĭt gai Anôk bruă kƀĭn ala mkŏ mjing Anôk gĭt gai bruă ksiêm wĭt klei hluê ngă Hdră mtrŭn mrô 18 hruê 25/10/2017 mơ̆ng Anôk kriê dlăng bruă Đảng gưl dlông tal XII – Dŭm bruă djŏ tuôm kơ hdră lŏ mlih mrâo, mkŏ dăp mnuih mă bruă ti anôk bruă kđi čar khuăt, ngă bruă tŭ dưn ti dŭm anôk bruă hlăm bruă kƀĭn ala, Dhar bruă gĭt gai anôk bruă kƀĭn ala lehanăn Adŭ bruă kƀĭn ala. Khua Anôk bruă kƀĭn ala Trần Thanh Mẫn ngă Khua Anôk gĭt gai bruă hluê ngă Hdră mtrŭn mrô 18 ti dŭm anôk bruă mơ̆ng Anôk bruă kƀĭn ala.

Anôk gĭt gai bi mklă leh bruă klam mơ̆ng grăp čô hlăm Anôk bruă lehanăn čih mkra klei bhiăn ngă bruă, hdră kčah hluê ngă. Hlăm anăn, jao kơ Anôk bruă bi ala jing Anôk kriê dlăng bruă anei, mnuih mă bruă hlăm Anôk bruă gĭt gai hluê ngă bruă klam mâo kčah jao, đru bruă kơ Anôk gĭt gai mâo Êpul bruă čih mkra mơ̆ng Anôk bruă anei bi mklă mkŏ mjing. Anôk gĭt gai yua gru kđăm mơ̆ng Dhar bruă gĭt gai Anôk bruă kƀĭn ala čiăng ngă bruă./.