Mnuih ƀuôn sang să Ka Đơn, kdriêk Đơn Dương bi êdah klei sa ai, klei đăo knang lehanăn bi mni kơ boh tŭ hluê ngă hdră bi kdơ̆ng hŏng klei ƀơ̆ng ngăn, boh nik klei gĭr ktưn hlăm bruă hluê ngă hdră bi khuăt anôk bruă Đảng, Knŭk kna.

Mbĭt anăn, mnuih ƀuôn sang hưn mdah kơ Êpul bi ala Anôk bruă kƀĭn ala dŭm klei dleh kpăk hlăm bruă hluê ngă Hdră bhiăn Lăn ala, hdră bhiăn Êpul hgŭm bruă, klei brei mưn yua, mlih jao, bi mklă ênoh lăn ti dŭm krĭng lăn lŏ hma, dliê kmrơ̆ng. Hluê si Phan Đình Trạc, Khua anôk bruă kriê dlăng klei ngă hră mơar gưl dlông, anei jing dŭm bruă klă sĭt, hmăi truh kơ hdră pla mjing lehanăn klei hdĭp mnuih ƀuôn sang, brei mâo anôk bruă mđing msir mghaih. Hlăm anăn, klei amâo djŏ hlăm bruă msir mghaih klei ngă hră mơar brei mâo hdră ksiêm dlăng klă lehanăn msir kjăp klei anei./.