Khua bruă kƀĭn ala mñă, Đảng, Knŭk kna mâo klei mđing uêñ kơ mnuih Việt nam dôk hdĭp ti ala tač êngao. Jing jih jang mnuih dôk hlăm ênoh amâo mâo dưi bi ktlah ôh mơ̆ng jih jang djuê ana Việt Nam -  lăn čar mâo leh knhuah jăk siam kơ klei thâo bi mguôp mâo mă leh klei dưi hlăm klei bi blah sua mă klei êngiê kơ djuê ana, lehanăn hlăm bruă rŭ mdơ̆ng lehanăn răng mgang lăn čar ară anei.

Bi ala kơ Đảng, Knŭk kna, êpul mă bruă gưl dlông ala čar drei, Khua bruă kƀĭn ala Trần Thanh Mẫn mơĭt leh klei hơêč hmưi truh hŏng jih jang mnuih Việt Nam pô dôk hdĭp ti Senegal hgao jih djăp mta klei dleh dlan, klei lông dlăng bi hơĭt klei hdĭp mda, lehanăn lač jăk kơ bruă kƀĭn ala, kơ knŭk kna Senegal đru leh kơ mnuih Việt Nam hlăm wưng êgao, lehanăn čang hmăng srăng lŏ dơ̆ng đru kơ jih jang mnuih Việt Nam hlăk dôk hdĭp ti Senegal hơĭt klei hdĭp lehanăn đru mguôp kơ ala čar anei./.