Hlăm mmông drông, dua tĭng mđĭ bi trông êpul, boh nik dŭm êpul gưl dlông; lŏ dơ̆ng bi hgŭm leh anăn nao ai hlăm dŭm klei bi kƀĭn lu tĭng, boh nik hlăm Êpul hgŭm lu ala čar, Hdră amâo bi hgŭm, dŭm ala čar blŭ klei Prăng… Bi mklă klei bi hgŭm plah wah dua ala čar kơ klei bi liê, bruă duh mkra, mnia blei adôk ƀiă, Khua bruă kƀĭn ala mtă kơ dua tĭng mđĭ klei bi trông, mkŏ klei hâo hưn anôk ba čhĭ, klei găl, klei mâo grăp tĭng, boh nik hlăm bruă lŏ hma.

Việt Nam srăng mbĭt hŏng Cameroon tui duah ênoh đru mơ̆ng tĭng tal tlâo kơ dŭm hdră bruă bi hgŭm mđĭ kyar bruă lŏ hma 23 tĭng ti Cameroon. Dua tĭng pral lŏ mkŏ klei bi trông dŭm klei Kuôl kă yuôm bhăn msĕ si: Mtrŭt mjhar leh anăn răng mgang bi liê, ñĕ kơ klei tĭng jia dua blư̆… mjing jar hdră bhiăn kơ klei bi hgŭm dua nah.