Klei khua bruă kƀĭn ala Trần Thanh Mẫn lehanăn êpul bi ala gưl dlông ala čar drei mâo leh klei tŭ jing jăk siam, hlăm lu mta bruă. Klei nao čhưn kơ ala čar Senegal, Maroc, khua bruă kƀĭn ala mâo leh klei bi tuôm, trông čhai hŏng khua gĭt gai gưl dlông grăp ala čar, nao ti anôk bi trông hdră êlan hgŭm mbĭt  Việt Nam – Senegal; Bi trông kơ klei bi hgŭm Việt Nam – Morocco.

Mâo leh 08 klei bi tŭ ư mâo kuôl kă hlăm dua ala čar. Boh nik ti Switz, Khua bruă kƀĭn ala bi trông leh kơ bruă “Mkŏ mjing lehanăn ba yua anôk bruă ngăn prăk hŏng ala tač êngao - duh mĭn Việt Nam”. Klei khua bruă kƀĭn ala lehanăn êpul khua êmua gưl dlông ala čar drei lŏ mđĭ hĭn leh klei thâo săng, klei bi đăo knang kơ bruă kđi čar, boh nik hlăm gưl dlông, lŏ mtrŭn agha êlam hĭn, kluôm ênŭm hĭn hlăm bruă bi hgŭm hŏng dŭm ala čar, boh nik hlăm bruă kƀĭn ala./.