Leh dua hruê mkŏ mjing Klei bi kƀĭn phung bi ala Bruă Đảng Êpul grup tuh tia mkra mjing - êa pui êwa čuh ala čar Việt Nam (Petrovietnam) tal IV, wưng 2025 - 2030 (02-3/8/2025), Klei bi kƀĭn ruah leh Anôk dlăng bruă Đảng Êpul grup wưng 2025-2030 mâo 12 čô. Lê Mạnh Hùng, Khuua Êpul gơ̆ng Êpul grup mâo djŏ ruah ngă Khua dlăng bruă  Đảng. Lê Ngọc Sơn leh anăn Trần Quang Dũng mâo ruah ngă K’iăng Khua dlăng bruă Đảng. Anôk dlăng bruă Đảng Êpul grup ruah leh 6 čô hlăm Knơ̆ng bruă ksiêm dlăng bruă Đảng Êpul grup wưng 2025-2030.

Nguyễn Văn Mậu,  Khua hlăm bruă Đảng, Khua hlăm Êpul gơ̆ng mâo ruah ngă Khua Knơ̆ng bruă ksiêm dlăng bruă Đảng êpul grup. Blŭ hrăm ti anôk bi kƀĭn, Lê Mạnh Hùng -  Khua dlăng bruă Đảng, Khua Êpul gơ̆ng Êpul grup đăo knang, hŏng ai tiê đua klam, bi hgŭm, sa anăn, phung hlăm Anôk dlăng bruă Đảng leh anăn Knơ̆ng bruă ksiêm dlăng bruă Đảng Êpul grup mrâo srăng mđĭ lar klei thâo, bruă klam kluôm, đru ba Petrovietnam đĭ kyar kjăp hlăm wưng mrâo.