Khua gĭt gai Đảng Tô Lâm, Khua lăn čar Lương Cường leh anăn Khua knŭk kna Phạm Minh Chính bi mklă Việt Nam dlăng Mi jing ƀĭng hgŭm yuôm bhăn. Mơ̆ng tur knơ̆ng klei đĭ kyar hlăm klei bi hgŭm plah wah dua ala čar hlăm wưng êgao, Khua gĭt gai Đảng Tô Lâm, Khua lăn čar Lương Cường leh anăn Khua knŭk kna Phạm Minh Chính đăo knang klei gĭt gai mơ̆ng Donald Trump, klei bi hgŭm Việt Nam - Mi srăng lŏ dơ̆ng đĭ kyar kjăp mơ̆ng tur knơ̆ng bi mpŭ klei êngiê, klei dưi leh anăn klei bhiăn kđi čar, kyua klei êđăp ênang, hơĭt kjăp, bi hgŭm leh anăn mđĭ kyar kjăp ti krĭng wăl leh anăn dlông rŏng lăn, boh nik hlăm gưl dua ala čar bi hdơr 30 thŭn hruê mkŏ mjing klei bi hgŭm (1995 - 2025) leh anăn 2 thŭn klei bi hgŭm bruă kluôm Việt Nam - Mi.

Hlăm hruê, K’iăng Khua lăn čar Võ Thị Ánh Xuân  ăt mơĭt leh mơh hră hơêč hmưi kơ K’iăng Khua mil čhil James David Vance.