Ti sang ayang Đại tướng Võ Nguyên Giáp, mrô 30 Hoàng Diệu, Hà Nội, Khua gĭt gai Đảng Tô Lâm myơr brui mgưi, kwang mnga, hŏng klei mpŭ bi êdah klei hdơr kơ Đại tướng Võ Nguyên Giáp, Khua knơ̆ng gĭt gai lŭng kahan yang ƀuôn Việt Nam.

Hŏng êbeh 30 thŭn klam ngă Khua knŏng gĭt gai lĭng kahan, khua bruă Đảng kahan gưl dlông, anăn Đại tướng Võ Nguyên Giáp nao mbĭt hŏng klei tŭ jdưi hlăm dua klei bi blah hŏng Mi leh anăn Prăng, nao mbĭt hŏng bruă mkŏ mjing leh anăn răng mgang lăn čar. Đảng, knŭk kna leh anăn mnuih ƀuôn sang drei bi myuôm klei đru mơ̆ng Đại tướng Võ Nguyên Giáp. Dŭm gưl knuă druh, lĭng kahan drei bi mni kơ Đại tướng Võ Nguyên Giáp jing ayŏng khua mơ̆ng lĭng kahan yang ƀuôn Việt Nam. Hlăm sang bi hdơr Đại tướng Văn Tiến Dũng,, Khua gĭt gai Đảng Tô Lâm myơr brui mngưi, bi êdah klei hdơr kơ Đại tướng Văn Tiến Dũng, Khua phŭn bruă lĭng kahan hđăp, pô mâo lu klei đru mguôp yuôm bhăn hlăm bruă krŭ kdơ̆ng mtlaih êngiê djuê ana, mkŏ mjing leh anăn răng mganh lăn čar Việt Nam yang ƀuôn ngă phŭn.