Ti anôk bi tuôm mâo 44 êpul lehanăn mnuih mâo mđup brei anăn knăl “Êpul lĭng kahan yang ƀuôn jhŏng ktang”; 78 Mêđai Quân công, 735 Mêđai Chiến công, 59 Mêđai ngă bruă, êbeh 3.000 Mêđai răng mgang klei êđăp ênang lăn čar, 3 Mêđai jhŏng ktang, lehanăn dŭm pluh êbâo êpul lehanăn mnuih mâo mă hră bi mni. Boh nik, ƀri bi hdơr 80 thŭn hrue knhuah gru, kahan ksiêm yang ƀuôn yang ƀuôn, mâo mă klei pah mni Mêđai mtŭ kñĭ gưl tal 5.

Anei jing bruă yuôm bhăn mâo khua gĭt gai Đảng Tô Lâm mâo bi tuôm, mđĭ ai 40 čô phung jhŏng ktang, lehanăn găp djuê phung lĭng kahan yang ƀuôn, 57 phung kdlưn hĭn hlăm klei bi ktưn kluôm ala, lehanăn 246 gru bi hmô phung kdlưn hĭn hlăm klei bi ktưn mơ̆ng kahan ksiêm yang ƀuôn, bi ala leh kơ dŭm êbâo čô knuă druh ngă bruă hlăm djăp čar kwar, mâo klei myun dưi hâo mdah hŏng phung khua kiă kriê Đảng, Knŭk kna lehanăn phŭn bruă kahan ksiêm./.