Hlăm ai êwa hơ̆k mơak dua djuê ana mprăp drông tết knhuah gru Ất Tỵ 2025, Khua gĭt gai Đảng Tô Lâm mnă klă Việt Nam dlăng yuôm bhăn bruă mđĭ kyar klei mjĕ giăm hŏng China jing klei mđing mrô 1 hlăm hdră êlan hŏng tač êngao êngiê, čŏng pô, lu jơr, lu tĭng. Khua gĭt gai China Tập Cận Bình mñă klă, Đảng, knŭk kna China mđing mđĭ kyar klei mjĕ giăm hŏng Việt Nam hlăm hdră êlan hŏng tač êngao jĕ giăm. Ƀri wưng anei, dua čô khua gĭt gai bi klă mphŭn pŏk Thŭn mjĕ êrô Việt Nam – China 2025, tŭ ư bi mguôp mkŏ mjing jăk dŭm mta bruă bi hdơr 75 thŭn mkŏ mjing klei mjĕ giăm leh anăn Thŭn mjĕ mjuk Việt Nam – China 2025, mtrŭt mđĭ bruă hâo hưn, mtô mjuăt hlăm dŭm gưl mnuih ƀuôn sang, boh nik jing phung mda asei dua ala čar kơ klei mjĕ giăm bi hgŭm knhuah gru jăk siam Việt Nam – China.

Khua gĭt gai Đảng Tô Lâm mñă kơ dua tĭng gĭt gai dŭm dhar bruă, gưl bruă hur har duah dŭm hdră êlan tŭ dưi čiăng ksiêm dlăng leh anăn mgaih msir jăk hĭn klei amâo thâo bi djŏ, mđĭ klei bi mguôp hŏng hnơ̆ng klei mjĕ giăm dua tĭng hluê si Hdră bhiăn phŭn mơ̆ng Êpul hgŭm lu ala čar  leh anăn hdră bhiăn tar rŏng lăn hlăm anăn mâo klei kuôl kă Êpul hgŭm lu ala čar kơ hdră bhiăn êa ksĭ 1982.