Hlăm klei bi tuôm, Khua gĭt gai Đảng Tô Lâm bi mklă Việt Nam dlăng myuôm klei mđĭ kyar bi hgŭm hŏng Mi, čang hmăng klei bi hgŭm dua tĭng lŏ dơ̆ng êlam hĭn, tŭ dưn leh anăn hơĭt kjăp hĭn hlăm dŭm mta bruă, boh nik kơ bruă duh mkra, mnia blei leh anăn duh bi liê, kyua klei tŭ dưn mnuih ƀuôn sang leh anăn bruă duh mkra dua ala čar.

Daniel Rosen ƀuăn rơ̆ng srăng mđĭ klei bi hgŭm kơ bruă kreh knhâo kdrăp mrâo, klei thâo anak mnuih, mkŏ plah wah phung kreh knhâo Việt Nam hŏng phung kreh knhâo Mi leh anăn dŭm ala čar, mkŏ mjing hdră bruă bi hgŭm klă klơ̆ng msĕ si kơ klei kreh knhâo kdrăp mrâo, klei thâo anak mnuih, kriê dlăng thâo mĭn. Daniel Rosen bi mklă klei ƀuăn rơ̆ng srăng đru pŏk ngă hdră bruă bi liê ti Việt Nam, đru mguôp hlăm klei đĭ kyar mơ̆ng Việt Nam leh anăn klei bi hgŭm Việt Nam - Mi.