Khua gĭt gai Đảng Tô Lâm mñă, Việt Nam dlăng myuôm klei bi mjĕ hŏng Japon, lač dŭm bruă Knŭk kna Japon lehanăn JBIC mđing dlăng ăt jing klei mđing mơ̆ng Việt Nam hlăm wưng ti anăp, hlăm anăn mâo anôk bruă êlan klông, pui kmlă, kdrăp mrô. Khua gĭt gai Đảng Tô Lâm bi mni klei mĭn mrâo Êpul êya Asi gĭr mâo hnơ̆ng kbiă êwa jhat truh mrô 0 (AZEC) mâo Khua knŭk kna hđăp Japon Kishida Fumio ba mdah lehanăn dôk gĭr hluê ngă, mđing truh kơ mta kñăm thŭn 2050 mâo Việt Nam ƀuăn rơ̆ng leh ti COP 26.

Việt Nam mprăp bi hgŭm hŏng Japon lehanăn dŭm ala čar hlăm bruă mrâo lač, mtă kơ Japon lehanăn JBIC lŏ dơ̆ng hrăm mbĭt hŏng klei đĭ kyar mơ̆ng Việt Nam, mđing mtrŭt mđĭ hdră bi hgŭm hlăm anôk bruă nah gŭ plah wah dŭm ala čar Ngŏ Dhŭng Asi, krĭng krông Mekông wăt anôk bruă êlan klông, pui kmlă, kdrăp mrô ênuk mrâo./.