Khua gĭt gai Đảng Tô Lâm mñă klă Việt Nam dlăng yuôm bhăn Singapore amâo djŏ knŏng dôk mbĭt hlăm ASEAN, ƀiădah lŏ jing ƀĭng hgŭm phŭn, hrăm mbĭt hlăm klei mđĭ kyar leh anăn ñŭ kma tar rŏng lăn mơ̆ng Việt Nam. Bi myuôm dŭm mta phŭn dua ala čar dưi mâo hlăm klei bi trông hŏng phung khua gĭt gai Singapore hlăm gưl nao čuă Singapore ăt msĕ mơh bruă dua tĭng lŏ dơ̆ng bi klă klei mjĕ giăm bi hgŭm kluôm dhuôm plah wah dua ala čar hŏng bruă bi klă hdră êlan ngă bruă bi êdah klei mjĕ giăm hdră êlan kluôm dhuôm wưng thŭn 2025 – 2030.

Dua čô khua gĭt gai bi tŭ bi êlam hĭn klei mjĕ giăm plah wah dua đảng kiă kriê, rơ̆ng kơ klei bi mguôp mtô mjuăt knuă druh, ksiêm duah mkŏ mjing hdră bi trông jêñ jêñ čiăng mđĭ hnơ̆ng klei thâo săng hdơ̆ng pô, kah mbha klei hriăm mđĭ kyar lăn čar, mkŏ mjing tur knơ̆ng klei mjĕ giăm dua tĭng hlăm êdei anăp.