Bi mni kơ klei Hưn mdah boh tŭ hdră mkŏ mkra Đảng, anôk bruă kđi čar, mđĭ kyar bruă duh mkra – ala ƀuôn, Lĭng kahan, răng mgang klei êđăp ênang, bruă hŏng tač êngao mơ̆ng ƀuôn prŏng, Khua gĭt gai Đảng Tô Lâm brei thâo, gưl dlông bi mklă Hà Nội jing anôk bruă Đảng phŭn, jing gru mngač ba akŏ, čang hmăng ƀuôn prŏng srăng pŏk ngă kjăp dŭm hdră mtrŭn mơ̆ng Đảng čiăng hnưm mŭt hlăm klei hdĭp, truh hŏng dŭm gưl nah gŭ, grăp čô knuă druh, đảng viên.

Mbĭt anăn čang hmăng Hà Nội srăng jing alŭ wăl mâo hdră duh mkra đĭ kyar mơ̆ng krĭng lehanăn kluôm ala, đru kơ dŭm čar riêng gah, Khua gĭt gai Đảng ăt mtă kơ Hà Nội jing anôk phŭn hlăm hdră mlih mrâo. Kơ bruă klam ti anăp, Khua gĭt gai Đảng Tô Lâm mtă kơ Hà Nội mđing hluê ngă kjăp Asăp mtrŭn mrô 35 mơ̆ng Phŭn bruă kđi čar kơ klei bi kƀĭn bruă Đảng dŭm gưl mđing truh kơ Klei kƀĭn phung bi ala kluôm ala čar tal 14 mơ̆ng Đảng djŏ hdră kčah./.