Bi ala kơ  Đảng, Knŭk kna lehanăn mnuih ƀuôn sang Việt Nam, Khua gĭt gai Đảng Tô Lâm bi êdah klei ênguôt hnĭng kơ Khamtay Siphandone lehanăn mơĭt truh kơ jih jang phung khua kiă kriê gưl dlông Lào, jih jang mnuih ƀuôn sang Lào lehanăn găp djuê Khamtay Siphandone klei bi juh.

Khua gĭt gai  Đảng Tô Lâm mñă klă, Khamtay Siphandone amâo mâo djŏ knŏng jing khua kiă kriê kjăp, dôk hlăm êpul khua kiă kriê tal êlâo mkŏ mjing klei krŭ kdơ̆ng Lào, gĭt gai klei djuê ana kgŭ kdơ̆ng sua wĭt klei êngiê, rŭ mdơ̆ng lehanăn răng mgang lăn car, jing leh mnuih ba akŏ hlăm hdră êlan mlih mrâo kluôm dhuôm mơ̆ng Đảng Yang ƀuôn krŭ kdơ̆ng Lào lehanăn lŏ jing pô sĭt suôr hŏng Việt Nam hlăm jih wang êlan bi blah, rŭ mdơ̆ng lehanăn răng mgang lăn čar mơ̆ng dua djuê ana. Klei ñu djiê anei, jing leh sa klei luič liê prŏng hŏng Đảng, knŭk kna lehanăn mnuih ƀuôn sang Lào lehanăn Việt Nam. Čiăng hdơr knga kơ klei đru mguôp prŏng prĭn mơ̆ng  Khamtay Siphandone kơ klei hyuă kjăp hĭn klei thâo bi mguôp kjăp Việt Nam - Lào, Đảng, knŭk kna Việt Nam ăt mkŏ mjing klei ŭ kyăm hlăm dua hrue, mơ̆ng hrue 4 - 5/4/2025.