Anei jing gưl nao čhưn ti Belarus tal êlâo mơ̆ng Khua gĭt gai Đảng cộng sản Việt Nam leh 11 thŭn. Êbeh 30 thŭn êgao, Việt Nam lehanăn Belarus dôk mkŏ mjing, ksŭl mbŭ lehanăn mđĭ kyar klei bi mjĕ mơ̆ng đưm lehanăn klei bi hgŭm bruă jăk siam hŏng klei đăo knang kjăp, mtăp mđơr lehanăn mpŭ kơ hdơ̆ng găp kyua klei tŭ dưn kơ mnuih ƀuôn sang dua ala čar, mjing tur knơ̆ng kơ klei bi hgŭm hlăm djăp mta ra bruă kjăp hĭn.

Gưl hiu čhưn mơ̆ng Khua gĭt gai Đảng tal anei srăng đru mjing boh kdrŭt kơ klei bi mjĕ mơ̆ng đưm lehanăn bi hgŭm hlăm lu mta plah wah Việt Nam-Belarus đĭ kyar kjăp hĭn, mđĭ lar klei găl mâo mơ̆ng dua tĭng čiăng ba wĭt boh tŭ dưn klă sĭt hĭn hlăm wưng ti anăp.