Khua gĭt gai Đảng Tô Lâm bio mni kơ Lữ Đoàn ƀrăm pui 490 hlăm wưng êgao ngă jăk bruă mjuăt bi hriăm bruă kđi čar, mkŏ mjing klei bi mguôp, bi sa ai, mđĭ klei thâo săng kơ bruă klam leh anăn klei gĭr mơ̆ng phung knuă druh, lĭng kahan mơ̆ng Lữ Đoàn. Čiăng dưi ngă jăk bruă klam dưi jao hlăm wưng mrâo, Khua gĭt gai Đảng Tô Lâm mñă klă, Lữ đoàn srăng lŏ dơ̆ng hyuă kjăp Hdră mtrŭn klei kƀĭn kluôm bruă Đảng tal 13, hdră mtrŭn klei kƀĭn bruă Đảng lĭng kahan gưl tal 9, dŭm hdră mtrŭn, asăp mtrŭn mơ̆ng Êpul khua bruă Đảng gưl dlông, Phŭn bruă kđi čar, Knơ̆ntg gĭt gai lĭng kahan gưl dlông, Phŭn bruă lĭng kahan čiăng bi klă leh anăn hluê ngă tŭ dưn hlăm Binh chủng Pháo binh leh anăn Lữ đoàn 490.

Wưng anei, Khua gĭt gai Đảng Tô Lâm ăt mñă srăng jêñ jêñ kriê dlăng mkŏ mjing bruă Đảng Lữ đoàn bi leh jăk bruă klam, hluê ngă jăk bruă hluê hriăm leh anăn tui ngă gru mmgač hmc, klei mtrŭt mjhar bi lar knhuah gru, duh myơr klei thâo, năng jing “Lĭng kahan Awa Hồ” hlăm ênuk mrâo.