Tui si klei hâo mdah thŭn 2024, hnơ̆ng GRDP mơ̆ng čar Nam Định đĭ hlăm brô 10% (dôk tal 9 mkă hŏng kluôm ala). Ênoh mâo ba wĭt kơ knŭk kna truh 14.828 êklai prăk, đĭ 42% mkă hŏng thŭn 2023. Blŭ hrăm ti anôk mă bruă, Khua gĭt gai Đảng Tô Lâm mtă, čar Nam Định lŏ dơ̆ng mkŏ mjing bi jăk, tŭ jing jih jang dŭm hdră mtrŭn mơ̆ng gưl dlông. Msĕ si asăp mtrŭn mrô 35 mơ̆ng phŭn bruă kđi čar kơ klei bi kƀĭn prŏng Đảng dŭm gưl anăp truh kơ klei bi kƀĭn prŏng Đảng kluôm ala gưl 14. Anei jing bruă yuôm bhăn hlăm thŭn anei.

Lŏ dơ̆ng hlue ngă hdră mtrŭn mrô 18 mơ̆ng gưl dlông, kơ bruă dăp wĭt bi khuăt mnuih mă bruă hlăm bruă kđi čar, mă bruă hŏng klei tŭ jing, ktưn hlăm mlan 2 bi leh, čiăng kơ klei bi kƀĭn prŏng Đảng, hŏng hdră khuăt mă bruă mâo klei tŭ dưn truh hŏng jih jang mnuih ƀuôn sang. Ƀri wưng drông Tết Nguyên đán Ất Tỵ 2025, Khua gĭt gai Đảng hơêč hmưi kơ êpul bruă Đảng, bruă sang čư̆ êa lehanăn jih jang mnuih ƀuôn sang čar Nam Định lŏ dơ̆ng mđĭ hĭn knhuah gru cách mạng hlue ngă tŭ jing jih jang mta kñăm bruă čuăn tui si mtrŭn./.