Khua gĭt gai Đảng Tô Lâm nao hgŭm, blŭ hrăm leh anăn mđup brei klei pah mni kdlưn hĭn. Mơ̆ng 2.544 klei čih bi lông mơĭt hlăm klei bi lông Kmŭt mniă êa mah gưl tal 9 thŭn 2024 ruah leh dŭm klei bi lông kdlưn hĭn čiăng mđup brei 6 klei pah mni A, 12 klei pah mni B, 18 klei pah mni C leh anăn 40 klei pah mni mđĭ ai.

Sang mđung asăp blŭ Việt Nam gưl anei mâo mă sa klei pah mni A mơ̆ng êpul phung čih klei mrâo Lê Tuyết, Vân Hồng, Thu Huyền leh anăn Đình Hiếu mơ̆ng Êpul klei mrâo (VOV1) hŏng klei bi lông “Mlih mrâo hdră kiă kriê, klei kdlưn hĭn mkŏ mjing tur knŏng čiăng kơ lăn čar mŭt hlăm ênuk mrâo”, 1 klei pah mni B, 4 klei pah mni mđĭ ai leh anăn jing 1 hlăm 15 êpul mâo hră pah mni mơ̆ng Êpul mkŏ mjing kyua mâo lu klei đru mguôp kơ klei bi lông Kbŭt mniă êa mah. Bi ala kơ khua gĭt gai Đảng, knŭk kna mđup brei klei pah mni A – klei bi lông kmŭt mniă êa mah gưl tal 9 thŭn 2024 kơ mâo klei bi lông, êpul bi lông mâo klei čih kdlưn hĭn, Khua gĭt gai Đảng Tô Lâm mñă klă, hlăm wưng êgao ti gŭ klei gĭt gai mơ̆ng Đảng, tal êlâo leh anăn klă anăp jing khua gĭt gai Hồ Chí Minh, bruă klei mrâo cách mạng Việt Nam jing êpul kmeh gơ̆ng, mâo bruă klam nao êlâo hlăm klei mĭn – dhar kreh, đru mguôp yuôm bhăn hlăm bruă cách mạng mơ̆ng Đảng leh anăn lăn čar.