Khua gĭt gai Đảng Tô Lâm mñă klă, hlăm boh klei kluôm rŏng lăn bi mlih leh anăn bruă tuh tia mkra mjing tal pă, bruă duh mkra mrô ngă leh, leh anăn dôk bi mklă bruă klam jing boh kdrŭt phŭn, mđĭ kyar bruă duh mkra leh anăn ala ƀuôn. Bi mlih mrô amâo djŏ knŏng jing sa hdră sa anăn ôh, ƀiădah lŏ jing klei čiăng mjêč kơ Việt Nam bi hrŏ êwang bi kpleh mđĭ kyar hŏng krĭng wăl leh anăn dlông rŏng lăn.

Mbĭt anăn, mlih mrô jing hdră sui, đru mđĭ klei dưi bi ktưn ala čar leh anăn mđĭ kơhưm Việt Nam hlăm hla kak bruă duh mkra kluôm rŏng lăn. Khădah snăn, čiăn dưi ngă hdră kñăm anei, brei mâo klei ƀuăn rơ̆ng ktang mơ̆ng Knŭk kna, klei hrăm mbĭt mơ̆ng bruă duh mkra, klei hgŭm mnuih mă bruă leh anăn mnuih ƀuôn sang. Khua gĭt gai Đảng mtă, mđĭ klei thâo leh anăn klei bi ktưn kluôm rŏng lăn, gĭr truh thŭn 2030, ba Việt Nam hlăm top 3 ala čar ba anăp Ngŏ Dhŭng Asi kơ klei ksiêm hriăm leh anăn mđĭ kyar kdrăp mrô, mjing ƀiă êdi 5 anôk bruă duh mkra mrô prŏng hĭn mâo klei dưi bi ktưn hŏng lu ala čar.