Hlăm knăm pŏk ngă, khua gĭt gai čar Hưng Yên brei thâo, mơ̆ng thŭn 2022 truh ară anei, kluôm čar pla leh êbeh 126 êbâo ana kyâo. Hlăm anăn thŭn 2024, kluôm čar Hưng Yến pla leh êbeh 38.400 ana kyâo, mkŏ mjing leh 185 ktuê êlan mâo ana kyâo mtah; dŭm wăl ƀuôn prŏng, wăl tuh tia mkra mjing, krĭng ƀuôn sang, sang hră, sang êa drao, anôk bruă knŭk kna, wăl kriê pioh hƀuê ênuk - dhar kreh gĭr ngă jăk bruă pla kyâo. Ênoh bi liê pla kyâo yang ƀuôn truh ară anei mâo 92,6 êklai prăk.
Hlăm wưng kơ anăp, čar Hưng Yên gĭr pla thiăm hlăm dŭm ktuê êlan ti alŭ wăl leh anăn rơ̆ng djăp hnơ̆ng čuăn krĭng ƀuôn sang mrâo hnơ̆ng jăk hŏng gưl să, gưl kdriêk leh anăn gưl čar, mbĭt anăn lŏ dơ̆ng kriê dlăng dŭm mta ana kyâo pla leh mjing anôk mtah - doh - siam; mđĭ ksiêm dlăng, ktrâo lač, ksŭl mbŭ dŭm alŭ wăl; dŭm anôk bruă, anôk bruă duh mkra ngă jăk bruă pla kyâp hlue si Hdră kčah.
Viết bình luận