Khua gĭt gai Đảng Tô Lâm brei thâo, sui hŏng anei êbeh 65 thŭn, hruê 28/11/1959, Khua gĭt gai Hồ Chí Minh mâo leh klei čih “Têt pla kyâo” ti Hră klei mrâo Nhân dân, iêu mthưr jih jang mnuih ƀuôn sang, grăp boh sang, êpul êya, alŭ wăl nao hgŭm pla kyâo, dlăng kriê ana kyâo mtah lehanăn mblang boh tŭ dưn mơ̆ng bruă pla kyâo, hluă mtah mda dliê.

Khua gĭt gai Đảng mñă, truh ară anei, grăp blư̆ yan mnga truh, Têt pla kyâo klă sĭt jing hruê mơak mơ̆ng kluôm Đảng, jih jang mnuih ƀuôn sang, lĭng kahan drei. Anei amao djŏ knŏng jing bruă ngă mâo boh tŭ yuôm, ƀiădah jing bruă ngă klă sĭt, bi êdah klei ƀuăn rŏng kjăp mŏng Việt Nam anăp êpul êya tar rŏng lăn lehanăn pŏk hdră êlan ala čar kơ bruă mdrơ̆ng hŏng klei bi mlih yan adiê, mđing truh kơ sa boh lăn mtah, kyua klei đĭ kyar pral lehanăn hơĭt kjăp mŏng ala čar. Ƀri gưl anei, Khua gĭt gai Đảng mtă kơ dŭm Phŭn, dhar bruă, alŭ wăl, boh nik Phŭn bruă Ngăn dŏ, Wăl hdĭp mda, Phŭn bruă lŏ hma mđĭ kyar krĭng ƀuôn sang brei bi hgŭm, mđĭ hdră ksiêm dlăng, gĭt gai dŭm alŭ wăl hluê ngă tŭ dưn hdră pla kyâo./.